Su'aalaha Inta Badan La Isweydiiyo ee ku saabsan Kaadhka CareCard - Loogu talagalay Xubnaha

Waa maxay CareOregon Advantage CareCard?

CareOregon Advantage CareCard waxa uu ku yimaaddaa lacag hore loogu sii shubay, waxana uu leeyahay qaybo kala duwan oo lacago ah, oo loo yaqaan "wallets":

• Sanadka 2024, waxa aad helaysaa $1,620 ($405 saddex biloodkiiba) si aad ugu bixiso agabyada caafimaad iyo cuntooyinka caafimaadka leh. Waxa aad sidoo kale helaysaa $1,500 si aad ugu bixiso adeegyada caafimaadka ilkaha ee aanay bixin Medicare iyo Medicaid ama keliya ay qayb ahaan bixiyaan, sida taajyada ilkaha, saarista dhuuxa ilkaha, ilko-ilaaliyeyaasha habeenkii iyo waxyaabo kale oo dheeraad ah.
  
  Sanaka 2025, waxa aad helaysaa $1,378 ($344.50 saddex biloodkiiba) si aad ugu bixiso agabyada caafimaad, cuntooyinka caafimaadka leh, iyo adeegyada guriyeed. 
  
  Qaddarka saddex biloodlaha ah ayaa si toos ah loogu shubi doonaa kaadhkaaga si aad ugu soo iibsato agabyada caafimaadka iyo cuntada caafimaad leh dukaamada sida Albertsons, Walgreens, Walmart, Fred Meyer, Farmbox Rx iyo qaar kaloo badan.

• Abaalmarinada loogu talagalay dhamaystirka hawlaha caafimaad ee xubnaha u qalma: Waxa aad heli kartaa lacag dheeraad ah oo lagugu daro kaadhkaaga sanad walba, keliya si aad wakhti ugu samayso caafimaadkaaga. Fadlan ogow: Baadhitaannada ama hawlaha qaarkood waxaa heli kara oo keliya xubnaha buuxiya shuruudaha barnaamijka ama marka uu ku taliyo adeeg bixiye.

Sideen ku helaa CareOregon Advantage CareCard?

Kaadhkaaga CareCard ayaa laguu soo diri doonaa boostada kadib markaad iska diiwaan geliso CareOregon Advantage Plus. Waxaan kaliya kuu soo diri doonaa kaar cusub haddii aad soo sheegto inuu kaa lumay ama haddii aan isbeddel ku samayno barnaamijka.

Halkee ayaan ku isticmaali karaa?

Sanadka 2024, kaadhkaaga $405 ayaa lagu shubi doonaa bilawga saddex bilood kasta, si loogu bixiyo agabyada caafimaad sida daryeelka hargabka iyo duriga, iyo cuntooyinka caafimaadka leh sida hilibka iyo wax soo saarka. CareCard waxaa lagu isticmaali karaa farmasiyo badan iyo dukaamo tafaariiqeed oo ay ku jiraan Rite Aid, Walmart, Walgreens, Dollar General, Fred Meyer, Safeway, Albertsons iyo qaar kaloo badan. Kaadhkaaga waxa lagu sii shubi doonaa $1,500 si aad ugu isticmaasho adeegyada daryeelka ilkaha ee aad ka hesho adeeg bixiyahaaga ilkaha. $1,500 waxa ay la isticmaali karaa sanadka oo dhan waxaana loo isticmaali karaa in lagu daboolo adeegyada Medicaid iyo Medicare aysan daboolin ama ay qayb kaliya ka daboolaan, sida ilkaha macmalka, qolafka ilkaha, dareen ka dilista ilkaha iyo kuwa kaloo badan.

Sanadka 2025, CareCard kaaga $344.50 ayaa lagu shubi doonaa bilawga saddex bilood kasta. Inkasta oo aad ku bixin karto lacagtan agabyada caafimaad iyo cuntooyinka caafimaadka leh, waxa aad sidoo kale u adeegsan kartaa inaad ku bixiso adeegyada guriyeed. Waxa loo adeegsan karaa isla farmasiyada iyo dukaanada ku qoran halka sare. $1500 ee loogu talagalay adeegyada daryeelka ilkaha waa la joojiyey 2025.

Si aad u hesho liis dhamaystiran oo tafaariiqleyaasha ku jira ah, waxa aad qabataa mybenefitscenter.com waxana aad ku gashaa lambarkaaga CareCard. Waxa kale oo aad ka heli kartaa liiska tafaariiqleyda ka qaybqaanaya adigoo isticmaalaya ablikeeshinka mobaylka OTC Network. Ka soo degso ablikeeshinka Google Play ama iTunes App Store adiga oo raadinaya "OTC Network."

Ugu geynta qofka guriga
Waxa aad gurigaaga ku heli kartaa alaabta aad u qalanto iyadoon wax lacag dheeraad ah aan lagaa qaadin iyadoona ay kuu soo dirayso Medline. Waxaad u baahan doontaa lambarkaaga CareCard:

• Si aad agab onlayn uga dalbato, booqo athome.medline.com/card
• Si aad agab uga dalbato taleefanka, wac 833-569-2330, TTY 711, Isniin ilaa Jimcaha, 5 GH ilaa 5 GD

Waxaad ku heli doontaa dalabkaaga laba maalmood oo shaqo gudahood ka dib marka laga shaqeeyo.

Waxa kale oo aad gurigaaga ku heli kartaa cuntooyin cusub iyada oo aan wax kharash dheeraad ah aysan kaa qaadin Farmbox Rx. Waxaad u baahan doontaa lambarkaaga CareCard:

• Si aad agab onlayn uga dalbato, booqo farmboxrx.com/careoregonadvantage
• Si aad agb ugu dalbato taleefanka, wac 888-416-3589, TTY 711, todoba maalmood usbuucii, 7 GH ilaa 3 GD

Qadar lacag ah meel dhigan karaa bil kasta?

Bilowga rubuca kalandar kasta (1da Janaayo, 1da Abriil, 1da Luulyo iyo 1da Oktoobar), lacagta agabyada caafimaadka iyo cuntooyinka caafimaadka leh ayaa si toos ah loogu soo shubi doonaa isla kaadhkii. Lacag kasta oo ku harta kaadhkaaga dhamaadka rubuc kasta way dhacaysaa. Laguma dari doona lacagta rubuca xigta. Isticmaal lacagta ku jirta kaadhka ka hor dhamaadka rubuc kasta si aad u hesho cadadka oo dhamaystiran. Waxa aad qabataa mybenefitscenter.com si aad u hesho tafaasiil dheeraad ah.

$1,500 ee loogu talagalay adeegyada daryeelka ilkaha ee 2024 waa aad heli doontaa sanadka oo dhan illaa aad wada adeegsato.

Sideen u isticmaalaa?

Marka kaadhka laguugu soo diro boostada, hawlgeli adiga oo wacaya 833-684-8472 ama booqanaya mybenefitscenter.com. Kadib, waxaad kaga soo dukaamaysan kartaa tafaariiqle kasta oo ka qayb qaadanaya. Hubi inaad la imaato kaadhkaaga CareCard marka aad keenayso agabyadaada la daboolo miiska lacagta lagu bixiyo. Qadar kasta oo aad ku kharash garayso agabyada u qalma waxa laga jarayaa kaadhkaaga, ilaa iyo inta la ogol yahay. Hadhaaga kasta oo soo hara waxa lagu qori doonaa qaybta hoose ee rasiidkaaga waxaana la isticmaali karaa ilaa inta ay ka bilaabmayso xilliga dheefta xigta.

Muhiim: Waa in aad dooratid "credit" marka uu kaadh akhriyaha ku weydiiyo sida aad rabto in aad u isticmaasho kaarkaga. Haddii aad doorato "debit," kaadhku ma shaqayn doono!

Ablikeeshinka mobaylka ee CareCard "OTC Network"
Ablikeeshinka lagu isticmaalo Android iyo iPhone labadaba wuxuu ka dhigayaa isticmaalka dheeftan mid aad u fudud. Waxaad fiirin kartaa hadhaaga akoonkaaga, iskaan mari barcodes ku yaala goobaha tafaariiqda, ka baadh liiska agabyada u qalma iyo wax kaloo badan. Ka soo degso ablikeeshinka Google Play ama iTunes App Store adiga oo raadinaya "OTC Network."

Maxaa lagu daboolaa?

Kaarkaaga CareCard waxa uu daboolayaa in ka badan 90,000 oo agabyo caafimaad ah iyo cunto caafimaad leh oo u qalma. Liis la raadin karo oo ah agabyadaa caafimaadka ee la daboolo ayaa la heli karaa iyadoo la raacayo tillaabooyinkan: 

• Tag barta mybenefitscenter.com
• Gali lambarka 19-jiifar ah ee ku qoran qaybta hore ee karkaaga
• Markaad gudaha u gasho aagga loo gaar yeelay xubinta, guji "Product (Alaabta)" ee ku taal barta buluugga ee kore. Tani waxay soo saari doontaa Alaabta U qalma ee la raadin karo.
• Markaad joogto "Retailers (Tafaariiqleyda)" liiska hoos u baxaya ee ku yaala dhanka midigta, dooro dukaanka meesha aad rabto inaad ka raadiso (sida Walgreens, Walmart ama Rite Aid).

Haddii aadan weli diiwaan gelinin kaarkaaga CareCard, waxaad sidaas ku samayn kartaa barta mybenefitscenter.com. Haddii aad qabto wax su'aalo ah, ama aadan heli karin kombuyuutar, fadlan soo wac Qolada Adeegga Macmiilka inta lagu jiro saacadaha shaqada waana ku caawin karnaa.  

Fadlan ogow: Alaabooyinka qaarkood ayaa laga yaabaa ina lagu daboolo caymiskaaga Medicare ama Medicaid. Marka shay uu daboolo Medicare ama Medicaid, waa inaadan u isticmaalin kaarkaaga CareCard si aad u iibsatid, sababtoo ah waxaa daboolaya caymis kale oo kama mid aha dheeftaada dheeraadka ah ee kaadhka CareCard. Tusaale ahaan, faashad waxa laga yaabaa in lagu daboolo Part D marka loo isticmaalo, warqaduu dhakhtarka soo qoray, si layskugu duro insulin. Ama daawada loratadine ee meelaha laga soo gato, siduu dhakhtarka qoray, waxa dabooli kara Medicaid. Markay xaaladahan dhacaan, waa inaad keentaa daawada uu dhakhtarka kuu soo qoray iyo kaarkaaga Aqoonsiga Xubinta ee CareOregon Advantage miiska farmasiga.

Maxaan loo daboolin?

Alaabaha Aan U Qalmin

Waa kuwan qaar ka mid ah alaabaha aan lagu daboolin dheefta kaarka CareCard. Sababtoo ah liiskani wuxuu isku beddeli karaa si xilliyo ah, hubi inaad had iyo jeer hubiso mybenefitscenter.com.

• Noocyada kala duwan ee dawooyinka dabiiciga ah sida dhirta, geedo yaryar, iyo kaabayaasha nafaqeynta.
• Daawooyinka ilmaha
• Waxyaabaha la isku qurxiyo nooc kasta oo ay ahaadaanba
• Waxyaabaha wax lagu nadiifiyo ama saabuunta
• Sheeyada haboon in la isticmaalo; miisaanada, marawaxadaha, kabo, galoofyada
• Cabbitaannada ka caawiya ka hortagga fuuq-baxa.
• Kaabyada cuntada
• Waxyaabaha lagu qurxiyo indhaha iyo wejiga
• Kareenka wajiga
• Walxaha dhalaalayee cidiyaha la marsado
• Aaladaha qurxinta
• Midabka timaha / waxyaabaha la marsado timaha
• Kaabista caafimaadka dhirta ku salaysan
• Midabka faruuryaha la marsado
• Waxa at isku qurxiyaan raga
• Daawada afka lagu dhaqdo
• Baraafuuno
• Walxaha beddelka; weelasha lagu ridho leeniska lagu xirto gudaha indhaha
• Waxyaabaha lagu cadeeyo ilkaha